MEMORIA

I.

MEMORIA

fons mirus, de quô sic Plinius; l. 4. c. 7. In Boeotiâ ad Trophonium, iuxta fluv. Orchomenum, duo sunt fontes, quorum alter memoriam, alter oblivionem adfert, inde nominibus inventis.

II.

MEMORIA

inter Numina Veterum. Vide supra Dii; it. infra Minerva. Alias Latinis proprie de mortuis, sicut mentio, de vivis; uti vocem quoque Graecam μνῆμα, a μνέια, Ammonius destinguit. Sed et sepulchra sic vocârunt, unde Memoriae Martyrum: sicut in Graeco Epigr. μνῆςτις pro tumulo,

——— περὶ μνῆςτιν δὲ παρέρπων.

Oratoria item, in quibus Sanctorum corpora recondita. Itinerar. Hierosolym. seu Burdigal. In Therebinto Chebron mil. VII. ubi est memoria per quadrum ex lapidibus mirae pulohritudinis, in qua positi sunt Abraham, Isaac et Iacob. Vide Lud. de la Cerda Adversar. Sacr. c. 87. n. 18. etc. Exsequias porro, Basilic. Ecl. 4. anniversarium quoque Sanctorum diem, apud Optatum contra Parmenian. l. 2. Codinum, Alios. In cuiusmodi diebus passiones Martyrum legi voluti Concilium Carthagin. can. 46. ad quem

Zonaram vide: adde Cl. Suiccerum Thesauro Eccles. voce Μνῆμαι etc. Nec non cippum et columnam, mortui tumulo impositam, in qua elogium eius inscriptum videbatur, quod nomen, patriam, parentes, professionem, artem, aetatem, mortirque continebat genus. Plerumque vero nullâ inscriptione, symobolis aliquot insculptis, Elogium mortuo faciebant: Sic in cippo Lysidicae insculpta fuêre haec symbola, frena, capistrum, gallus Gallinaceus Tanagraeus, uti docet Antipater, Epigr. istô.

Μαςτεύω τίς σευ τίς ἐπὶ ςταλητίδὶ πέτρᾳ,

Λυσιδίκα, γλυπτὸν τὸν δ` ἐχάραξε νόρν;

Τὰν μὲν ἀνεγρομέναν με ποτ᾿ εἴρια νύκτερος ὄρνιν,

Α῾νία δ᾿ αὐδάσει δώματος ἡνιόχον.

Ι῾ππαςτῂρ δ᾿ ὅδε κημὸς ἀείσεται οὐ πολύμυθον,

Οὐ λάλίν, ἀλλὰ καλᾶς ἔμπλεον ἡσυχίης.

Quaero, quis tua in columnari petra,

O Lysidica, sculpsit hanc sententiam:

Surgentem me ad lanas pernox volucer,

Frenum, loquetur domus moderatricem.

Equestre autem hoc capistrum canet non loquacem,

Non garrulam, sed pulchra refertam tranquillitate:

In alio eiusdem, de quadam femina, Myrô nomine, arcum, canem, lorum, anserem, et noctuam, sepulchrali cippo insculpta legimus: In columella Archimedis, Sphaera et cylindrus conspiciebatur: quô memoriae indiciô cognovit Cicero, sepultum ibi Archimedem. Apud Ietas, tumulum Homeri demonstravit olim candida capra, quod Manibus eius caprâ ii parentarent, etc. Vide quoque infra Monumentum. Attamen et memoria et μνήμη, etiam de vivis, nonnumquam. Hinc Memoria, pro commentario rerum gestarum, vel vitae ephemeride Sueton. Claud. c. 1. Augustus in memoria vitae suae. Et inter officia Domus Augustae, Memoriae Magister: et Memoriales, qui ad Memoriae officium apparebant, ὁι Μεμοριάλοι, de quibus hîc insra. Plura vero in hanc rem vide apud Desid. Heraldum ad illa Arnobii l. 6. Ridetis temporibus priscis Persas fluvios coluisse, memoralia ut indicant scripta. et Salmas. ad Solin. p. 1221.